>>>စေတန်ရဲ့ မျက်လုံး<<<
လှပတဲ့ စနေဂြိုဟ် (ခ) စေတန်ဂြိုဟ်ကြီးမှာ တောက်ပတဲ့ ခြောက်ထောင့်ပုံ မျက်လုံးတစ်လုံး ရှိနေပါတယ်။ အဲ့ဒါကတော့.. စေတန်ဂြိုဟ်ရဲ့ မြောက်ဝင်ရိုးစွန်း တည့်တည့်မှာ ရှိနေတဲ့ ခြောက်ထောင့်ပုံ မုန်တိုင်းကြီးတစ်ခုပါပဲ..။ ဘယ်တော့မှ မျက်တောင်မခတ်တဲ့ မျက်လုံးတစ်ခုပဲပေါ့..။
စနေဂြိုဟ်ကို လှည့်ပါတ်သွားလာနေတဲ့ ကာဆီနီ အာကာသယာဉ်ဟာ သက်တမ်းကုန်ဆုံးခါနီးပြီဖြစ်လို့ စနေဂြိုဟ်ကြီးကို ဘက်ပေါင်းစုံ၊ နေရာပေါင်းစုံက အနီးကပ် ပျံသန်းပြီး ဓါတ်ပုံများကို အားရပါးရ ရိုက်ကူးလျှက်ရှိနေပါတယ်။ ပထမပုံကတော့ ဇန်နဝါရီလ ၂၂ ရက်နေ့က စနေဂြိုဟ်မှ မိုင်ပေါင်း ၅ သိန်း ၆ သောင်းအကွာကနေ ရိုက်ကူးထားတာဖြစ်ပါတယ်။ (နာဆာကတော့ ပြီးခဲ့တဲ့ မေလ ၈ ရက်နေ့ကမှ ထုတ်ပြ ခဲ့တာပါ။)
ဒီ ခြောက်ထောင့်ပုံ မုန်တိုင်းကြီးဟာ မိုင်ပေါင်း ၂ သောင်းခန့် ရှည်လျှားပြီး လေတိုက်နှုန်းဟာလည်း တစ်နာရီကို မိုင် ၂၀၀ နီးပါးရှိပါတယ်။ ထူးခြားတာကတော့ မုန်တိုင်းရဲ့ မျက်စိဟာ စနေဂြိုဟ်ရဲ့ မြောက်ဝင်ရိုးစွန်းတည့်တည့်မှာရှိနေတာဖြစ်ပြိး မုန်တိုင်းရဲ့ လည်ပတ်မှုဟာ စနေဂြိုဟ်ရဲ့ လည်ပတ်မှုနဲ့ သွားပြီး တူညီနေတာကို တွေ့ရပါတယ်။
ဒီမုန်တိုင်းကြီးကို ၁၉၈၀ ခုနှစ်က ဗိုယေဂျာ အာကာသယာဉ် ဖြတ်သန်းသွားကတည်းက သတိပြုမိခဲ့တာဖြစ်ပြီး.. ၂၀၀၄ ခုနှစ် မှာ ကာဆီနီ အာကာသယာဉ်မှ အသေးစိပ် ထပ်မံ လေ့လာပြီး ဓါတ်ပုံများ ရိုက်ကူးပေးပို့ခဲ့တာဖြစ်ပါတယ်။
နာဆာရဲ့ အမေရိကန် ဒေါ်လာ ၃.၂ ဘီလီယံ တန်ဖို့ရှိတဲ့ ကာဆီနီအာကာသယာဉ်ကတော့ ယခုအခါမှာ စေတန်ဂြိုဟ်ရဲ့ ဂြိုဟ်ပါတ်ကွင်းနဲ့ တိမ်တိုက်တွေကြားကို ၂၀၁၇ ခုနှစ် စက်တင်ဘာလအထိ ၂၂ ကြိမ်တိုင်တိုင် အနီးကပ်ပျံသန်းမှာဖြစ်ပြီး.. နောက်ဆုံးမှာတော့ စနေဂြိုဟ်ရဲ့ တိမ်တိုက်ထဲကို ထိုးနစ် ဝင်ရောက်သွားမှာပဲ ဖြစ်ပါတော့တယ်..။
အနာဂတ်ပညာရေးအတွက်..
သန့်ဦး (အာကာသနှင့် စကြဝဠာ)
No comments:
Post a Comment